A Casa do Concello de Lugo acolleu hoxe a xuntanza para a apertura de plicas presentadas para o proxecto, dirección de obra e coordinación en materia de seguridade e saúde durante a execución das obras de rehabilitación do antigo cárcere do partido xudicial englobado dentro do Plan Urban.
Nesta primeira xuntanza o xurado comezou coa selección dun máximo de cinco empresas que poderán participar na segunda fase do concurso. Esta comisión comprobou ao longo de todo o día que os candidatos cumpren cos requisitos de capacidade e solvencia sinalados nas bases do concurso.
O xurado estivo composto por:
Foron un total de 27 as plicas presentadas a este concurso por empresas de recoñecido prestixio nacional:
O xurado valorou a alta calidade dalgúns dos proxectos elaborados polas empresas que optan á elección. Nos próximos días, tras unha nova reunión do xurado, coñeceránse ás empresas seleccionadas para a próxima fase.
Nunha segunda fase o xurado elixirá a idea máis adecuada das 5 empresas seleccionadas como anteproxecto para definir a rehabilitación do vello cárcere de Lugo e as obras de urbanización que se consideren precisas, segundo as definicións contidas nas bases, para declarar un gañador do concurso.
O Plan Urban conta cun investimento de máis de 16 millóns de euros dos cales unha parte provén de fondos europeos, Xunta de Galicia, Deputación Provincial e Concello de Lugo. Trátase dun proxecto europeo que permitirá a modernización e revitalización do Centro histórico e do seu comercio.
Plan Urban