O Servizo Municipal de Prevención das Drogodependencias prepara novas actividades de lecer para a mocidade lucense
# Luns, 24/08/2009
Serán na praza do Castiñeiro entre as 18:00 e as 20:00 horas do 24 de agosto ao 11 de setembro
O Servizo Municipal de Prevención das Drogodependencias do Concello de Lugo dependente da Concellería de Benestar Social e Igualdade que dirixe Carmen Basadre, realizará entre o 24 de agosto e o 11 de setembro un conxunto de actividades que terán lugar na Praza do Castiñeiro.
Todos os rapaces e rapazas que queiran participar poderán achegarse á praza entre as 18:00 e as 20:00 horas. Son actividades de lecer dirixidas aos máis novos: dinámicas grupais, xincanas, xogos populares... que serán conducidos por monitores. Ademais realizaranse outros xogos para desenvolver as habilidades psicomotrices.
Esta actividade está subvencionada a través dos Bens Decomisados do Plan Nacional de Drogas.
Portal de
Prevención de Drogas
Compartir: