O 5º Torneo de Tenis Nacional terá lugar na cidade a partir de mañá xoves 3 de setembro ata o 10 de setembro, segundo explicaron esta mañá o Concelleiro de Deportes, José Manuel Díaz Grandío, e José Antonio Pereiro, director do torneo.
O Concelleiro resaltou a calidade deste evento deportivo que achega á cidade de Lugo algúns dos mellores tenistas do noso país e, incluso, do estranxeiro que farán disfrutar aos afeccionados lucenses.
Nesta quinta edición do torneo, o máis importante de toda Galicia en canto a dotación económica e nivel de participación, e un dos máis importantes do territorio nacional, preténdese dar un salto cualitativo intentando a participación de, ao menos, dous tenistas que estean situados entre os 20 primeiros do ranking nacional e entre os 200 mellores do ranking ATP.
Os participantes disputarán ao longo dos sete días de campionato as probas das diferentes categorías, xogándose a fase previa entre o 3 e o 6 de setembro:
- Absoluto masculino
- Cadete masculino e feminino
- Infantil masculino e feminino
- Alevín masculino e feminino
Premios:
Proba INDIVIDUAL MASCULINA
- Campión: 1.400 €
- Finalista: 700 €
- Semifinalista: 350 €
- 1/4: 175 €
- 1/8: 87,50 €
- 1/16: 43,75 €
RESTO CATEGORÍAS: 100 € material deportivo ; 50 € material deportivo.
Horarios:
Pódense consultar os horarios e os cadros na web www.nacionaltenislugo.com, así como no taboleiro do club ou no teléfono 650 712 365 a partir das 20:00 horas.