Amaral, Revólver e Los Planetas entre os grupos contratados polo Concello de Lugo para as festas de San Froilán 2009
# Xoves, 03/09/2009
*O turismo de Lugo aumentou no mes de agosto un 30% respecto ao mesmo período do ano pasado
*As visitas teatralizadas e os Vellos Oficios Vivos seguen a ser un forte reclamo turístico e cultural
O Concello de Lugo, a través da Concellería de Cultura e Turismo que dirixe Concepción Burgo, segue a traballar para pechar a programación da edición do San Froilán 2009.
Nesta ocasión, a Concelleira anunciou novas actuacións musicais que terán lugar na cidade durante a celebración das festas patronais.
Burgo anunciou que o sábado día 10 de outubro actuará na Praza da Horta do Seminario o grupo Amaral. O público poderá disfrutar de forma gratuíta das novas cancións de Eva Amaral e Juan Aguirre incluídas no seu disco Gato Negro- Dragón Rojo.
Outro dos anuncios foi a actuación do grupo Los Planetas, o día 11 tamén na praza Horta do Seminario. Este concerto será o único que ofrecerá a banda en Galicia nunha xira por España que inclúe soamente catro ou cinco concertos.
Por outra banda, a Concelleira confirmou a actuación do grupo Revólver o martes día 6 de outubro. Os lucenses poderán disfrutar cos temas da banda de Carlos Goñi que leva 20 anos como un dos grupos que representa o mellor rock español.
Estes concertos súmanse as actuacións xa anunciadas polo Concello de Lugo:
- Nacho Vegas o día 8
- Michelle McCain o día 9
- María del Mar Bonet o día 11
- Fuxan os Ventos o día 12
Ademais, a Concelleira explicou que para ir quentando motores para o San Froilán, terán lugar dous concertos de pago, que non están contratados polo Concello pero que contan co seu apoio ao ceder o Auditorio Municipal para a súa celebración. Será Albert Plá o 28 de setembro que presentará a súa obra de teatro musical, e o día 30 Jarabe de Palo co seu Reciclado Tour.
Turismo no verán
A Concelleira de Cultura e Turismo, Concepción Burgo, informou “con satisfacción” dos visitantes que ao longo deste verán pasaron Pola Oficina Municipal de Turismo en agosto. Indicou que “tivemos un aumento do 30% en agosto con respecto ao ano anterior. Así, no mes de agosto atendéronse a 9.000 persoas máis do dobre que no mes de xullo”.
Mantense así o crecemento do Turismo da cidade e “salvamos a primeira temporada alta de Lugo”. Lugo pódese considerar xa un destino turístico consolidado.
O turismo nacional mantense como en anos anteriores, é practicamente doméstico. Destaca a presenza, como ven sendo habitual, de madrileños, casteláns. cataláns e andaluces.
Ademais unha das ofertas turísticas máis representativas do verán na cidade: as visitas teatralizadas Lugo de alma romana, contaron cun bo número de asistentes nos meses de xullo e agosto. “Están a ter moita máis xente que o ano pasado, e é un reclamo turístico e tamén cultural”, explicou Burgo.
Concurso de Tapas
A Concelleira indicou que o Concello ten a intención de salvar o tempo entre o verán e o San Froilán creouse o Concurso de Tapas. A quinta edición deste concurso que segundo Burgo, “está a ser modelo para moitas cidades”, terá lugar entre o 12 e o 27 de setembro.
Serán 40 participantes ao igual que o ano anterior divididos en dúas categorías:
Modalidade Creativa:
- Ave César
- Restaurante Paprica
- Restaurante Tosar
- Taberna de Daniel
- Curmáns
- Café bar Boletus
- O Figón Tabernas Selectas
- O Edén de Sara
- Mesón da Pelusiña
- Cinco Vigas
- Restaurante Parrillada O Ventorro
- Cafetería La Iguana
- Restaurante Parrillada Antonio
- Mesón Vinoteca Lubre
- Cook
- Bodegón Espolada
- Restaurante Campos
- La tapería de Baco
- Pazo de Orbán- Taberna D1769
- Restaurante España
Modalidade Tradicional:
- Restaurante Antas de Ulla
- Casa da Baixo
- Pulpería O Castelo
- 101 Vinos
- Vinoteca Casa da Auga
- Restaurante Savoy
- O Pote
- Tirabeque
- Curruncho A Nosa Terra
- Vinoteca La Sucursal
- La Barra
- Minuetto
- Cervecería Baco
- Taberna do España
- El rincón de Santos
- Pizzería Toscana
- Parrillada Porta Santiago
- Os Tilos
- Restaurante Mesón de Alberto
- Restaurante Manuel Manuel
Compartir: