A Concelleira de Cultura e Turismo, Concepción Burgo, e o Presidente da Asociación de Hostaleiros da Provincia, José Francisco Real, presentaron o 5º Concurso de Tapas de Lugo co que se pretende poñer en valor a cociña da cidade.
A Concelleira explicou que “se trata dun concurso que está xa consolidado e que conta cunha participación moi forte de lucenses e de visitantes”. Trátase dun concurso que ademais “de poñer en valor un dos produtos turísticos máis importantes da nosa cidade, que é a gastronomía, cubre o espazo entre a tempada de verán e San Froilán, que son dúas épocas moi fortes para o turismo da cidade”. Segundo Burgo, proba do éxito deste concurso é que serviu de exemplo para outros concursos de tapas.
A partir do vindeiro sábado 12 de setembro, e ata o día 27, un total de 40 establecementos da cidade terán á disposición do público a tapa coa que participan nesta nova edición na modalidade elixida tradicional ou creativa.
Os locais deberán ter a disposición do público a tapa coa que participan entre as 13:00 e as 15:30 horas e desde as 20:00 ata as 22:30 horas a un prezo entre 1 e 3 euros.
Os establecementos optarán a un total de sete premios:
- Premios de votación popular que decidirá o público que visite o establecemento votando a través do portal www.lugo.es a páxina www.lugoturismo.com ou a través dos cupóns que deberán introducir nas urnas situadas nos establecementos participantes.
Tapa Creativa San Froilán
Tapa Tradicional San Froilán
- Premios de votación polo xurado:
1 º Premio de Tapa Creativa
2º Premio de Tapa Creativa
1º Premio de Tapa Tradicional
2º Premio de Tapa Tradicional
- Premio á tapa que mellor maride co viño da D.O. Ribeira Sacra ou que mellor use este viño como ingrediente.
Os establecementos que participan no 5º Concurso de Tapas son os seguintes:
Modalidade Creativa:
Modalidade Tradicional:
Consultar as bases (PDF 131 KB)