Un ano máis Lugo acolle unha nova edición da Feira do Mel que foi presentada esta mañá pola Concelleira de Servizos Xerais, Luisa Zarzuela, e os representantes da da Asociación Provincial Lucense de Apicultura, Antonio Mon e Iván Francisco Vázquez.

Como todos os anos o Concello colabora con esta cita do mel que terá lugar o domingo 27 de setembro na Praza da Soidade.

A feira, na que estarán presentes 21 expositores, dous máis que o ano anterior, abrirá as súas portas das dez da mañá ás sete da tarde e ofrecerá tanto exposición e venda de produtos apícolas da provincia como divulgación desta profesión. Está previsto que se poñan á venda 2.100 quilos de mel a  6´5 euros ó quilo e a 4 euros o medio quilo.
   
A inauguración oficial terá lugar ás 12:00 horas e ás 17:30 terá lugar un sorteo de produtos apícolas.
     
A Concelleira animou a todos a participar neste evento e "achegarse para mercar un produto que ten excelentes propiedades para a saúde”, e indicou que “é unha satisfacción para o equipo de Goberno participar con todo o que sexa promocionar os produtos da nosa provincia”.