Cargando....
Concello de Lugo
22/11/19
NOVAS
Escoita esta páxina

O Concello de Lugo colabora con Bico de Leite campaña informativa sobre a lactación materna fronte á gripe A


# Venres, 02/10/2009
O recinto feiral das festas de San Froilán 2009 contará cunha zona de lactancia

Imaxe Asociada
  • Imaxe Asociada
  • Imaxe Asociada
  • Imaxe Asociada
  • Imaxe Asociada
A Concelleira de Muller e Benestar Social, Carmen Basadre, e a Vicepresidenta da Asociación Bico de Leite, Patricia López Izquierdo, e a Secretaria da Asociación, Rosana López presentaron hoxe na Casa do Concello a campaña informativa Fronte á Gripe A: Lactación Materna.

Con esta campaña preténdese promover a lactación materna como un método de protección dos fillos fronte á gripe.

Desde a Asociación recoméndase:
- Darlle o peito aos cativos polo menos ata os 24 meses.
- Se o bebé enferma aínda necesitará máis o leite.
- Non deixar de aleitar por enfermar da gripe xa que axuda a protexelo.
- Todos os tratamentos contra a gripe A e a súa vacina son compatibles coa lactación materna.

A Concelleira resaltou o importante que é o apoio de toda a sociedade a esta asociación para acadar unha lactancia satisfactoria. Basadre indicou que “é moi importante fomentar a lactancia materna xa que o leite das nais protexe aos nenos e nenas de moitas infeccións, e neste caso da Gripe A”. Por iso durante as festas de San Froilán grazas a colaboración do Concello de Lugo, instalarase a zona de lactancia na entrada do parque de Rosalía ao carón de Protección Civil.

Ademais, as representantes de Bico de Leite indicaron que mañá sábado 3 de outubro celebrarán ao fondo da praza Maior a festa do aleitamento. A Vicepresidenta e a Secretaria da asociación convidaron a todos a gozar desta festa para toda a familia na que as nais aproveitarán para dar o peito ao aire libre e lerán un manifesto coas súas reivindicacións.
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova