Comezan as clases de Educación Vial nos centros educativos do Concello de Lugo
# Martes, 13/10/2009
Os alumnos recibirán dúas horas de teoría e no mes de xaneiro comezarán coas clases prácticas
Un novo curso a Concellería de Educación, que dirixe Dolores Vieiro, e o Parque Infantil de Tráfico iniciaron hoxe martes, 13 de outubro, o ciclo de clases teóricas de Educación Vial que se impartirán nos 25 centros educativos do Concello de Lugo, e nas asociacións de Aspnais, Fogar de Santa María e Síndrome de Down Lugo.
Ata o Nadal as clases de Educación Vial terán lugar nos propios centros educativos e centraranse exclusivamente na teoría. Cada grupo de alumnos asistirá a dúas horas de clase teórica de Educación Vial.
Será a partir de xaneiro cando as rapazas e rapaces lucenses asistan ás clases prácticas de bicicleta e kart no Parque Infantil de Tráfico López Mella situado no parque de Frigsa.
Compartir: