Cargando....
Concello de Lugo
13/11/19
NOVAS
Escoita esta páxina

O Concello de Lugo recolleu máis de 2.100 quilos de aceite doméstico nos puntos de reciclaxe da cidade


# Martes, 17/11/2009
O obxectivo deste proceso é evitar que a cidadanía tire o aceite usado polos desaugues e reducir a contaminación das augas

Imaxe Asociada
O Concelleiro de Medio Ambiente e Zona Rural, Lino González Dopeso, fixo hoxe balance do Plan de Recollida de Aceites que o Concello de Lugo puxo en marcha o pasado mes de xullo. Neste acto estivo acompañado por un representante da cadena de supermercados Eroski en Lugo que colabora coa campaña de recollida.

A empresa PMA (Protección Medio Ambiental) recolleu xa un total de 2.125 quilos de aceite nos 30 colectores situados en diferentes supermercados da cidade: Erosky que recolleu 925 quilos, Carrefour que recolleu 500 quilos, Cemar que recolleu 475, Froiz que recolleu 175 e a Praza de Abastos na que se recolleron 50.

O Concello repartiu de maneira gratuíta 24.000 embudos para que os cidadáns depositen o aceite de cociña utilizado nos contedores habilitados nos supermercados e que este poida ser reutilizado.

O Concelleiro lembrou que o obxectivo desta iniciativa do Concello é facilitar á cidadanía unha forma ecolóxica e non contaminante para desfacerse do aceite usado, un gran contaminante da auga ao formar unha película de grasa na superficie e que dificulta enormemente o seu proceso de depuración. González Dopeso pediu aos lucenses a súa colaboración neste proceso e reducir así ao mínimo os danos medioambientais que producen o desfacerse do aceite mediante os desagües. “ A petición do Concello é que os lucenses sigan colaborando con nós e nos axuden a mellorar o funcionamento da depuradora”, indicou.

Este aceite reciclado pódese reutilizar para a fabricación de biodiesel, un biocarburante con baixas emisións de CO2. Por cada litro de aceite tratado obtense case un litro de biodiesel.
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova