Imprimir

O CONCELLO DE LUGO CONTINÚA COAS SÚAS ACTIVIDADES DE FOMENTO DO EMPRENDEMENTO


18/11/2009 35 desempregados participaron hoxe mércores 18 de novembro nunha charla informativa

A Concellería de Economía e Emprego, que dirixe Sonia Méndez, organiza unha nova actividade de fomento do emprendemento que se desenvolveu hoxe mércores 18 de novembro no Centro de Empresas e Innovación. Nesta ocasión foron un grupo de 35 desempregados os que participaron nesta charla informativa entre as 10.30 e as 13.30 horas.
 
Os asistentes á charla, impartida por BIC-Galicia, foron os participantes nos cursos de Empregado de oficina, Escaparatista, Empregado de xestión financeira en empresas e Xestor de solvencia e financiamento empresarial, estes dous últimos desenvolvéronse no CEI- Nodus.

Os participantes percorreron ademais o Centro de Empresas e Innovación e o Espazo >Lab do Concello para que coñezan as posibilidades que lles ofrecen.