O Concello de Lugo colobora con ALTAGA para achegar os obradoiros nutricionais saudables á escola
# Xoves, 10/12/2009
Esta semana os obradoiros serán impartidos no Anexa
A Concellería de Educación que dirixe Dolores Vieiro está a organizar en colaboración coa Asociación de Licenciados en Ciencia e Tecnoloxía dos Alimentos de Galicia (ALTAGA) obradoiros nutricionais orientados a nenos en idade escolar.
Así, aqueles centros escolares que o desexen poden contar con estas xornadas formativas destinadas a alumnos de todas as idades.
Con esta iniciativa preténdese:
- Fomentar a educación nutricional dos nenos desde a súa andaina escolar
- Iniciar aos escolares no mundo da cociña e da gastronomía
- Apender a mercar os alimentos, preparalos e cociñalos
- Estimular comportamentos positivos que favorezan a aceptación e o desenvolvemento duns hábitos saudables
Estes obradoiros buscan que os escolares aumenten os seus coñecementos sobre os alimentos e o seu valor nutritivo para que poidan aplicalo na súa vida diaria, adquiran hábitos alimetarios saudables e aprendan a valorar os recursos naturais das distintas zonas xeográficas e a protexer o patrimonio gastronómico e cultural.
Os obradoiros prácticos están orientados aos nenos en idade escolar desde os 3 aos 12 anos.
Calendario nos centros da cidade:
Xoves e venres no Anexa
15 e 17 de decembro no María Auxiliadora
Compartir: