Continúan os almorzos saudables do Concello de Lugo nos colexios da cidade
# Venres, 22/01/2010
Nesta edición participan máis de 2.100 nenos e nenas lucenses
Os almorzos saudables, que celebra o Concello de Lugo dende o ano 2004, continuarán a vindeira semana en catro colexios máis, unha vez que deran comezo o 18 de xaneiro.
Este programa foi elaborado para concienciar a pequenos e pais da importancia de almorzar ben para render completamente no colexio.
Os colexios que participan esta semana no programa serán Fingoi 2, o Anexa, o Manuel Mallo Mallo de Nadela e Sagrado Corazón. Serán un total de 317 alumnos os que se beneficiarán en conxunto esta semana.
Nesta tempada dos almorzos saudables participan este ano un total de 2.136 rapazas e rapaces de 6 a 8 anos cun programa que se desenvolverá en todos os colexios do Concello.
Compartir: