Cargando....
Concello de Lugo
22/09/19
NOVAS
Escoita esta páxina

O Arlequín seleccionado como o cartel anunciador do Entroido 2010 do Concello de Lugo


# Mércores, 27/01/2010
* O xurado do IV Certame de Deseño de Entroido subliñou o impacto visual da obra gañadora
* Presentáronse un total de 41 traballos, dez máis que na edición do 2009


Imaxe Asociada
  • Imaxe Asociada
  • Imaxe Asociada
  • Imaxe Asociada
A Concelleira de Cultura, Concepción Burgo, presentou xunto aos membros do xurado, a directora da Escola de Artes Ramón Falcón, Esther Muñoz, Jesús Cao, da Asociación Cultural Pepe Barreiro, e o deseñador Enrique Bonet, a resolución do IV Concurso de Carteis de Entroido organizado por esta Concellería co fin de promocionar estas festas.

O xurado do certame reuniuse esta mañá na Casa Consistorial para seleccionar o cartel gañador desta cuarta edición. O faio declarou como gañador ao cartel titulado “O Arlequín”. O autor da obra galardonada é a lucense Naila Montes Vázquez, que recibirá o premio de 600 euros, en nome dun grupo de alumnas de 2º de BAC de Artes do Colexio Fingoi.

A edil destacou a gran calidade dos 41 traballos presentados, 10 máis que no 2009, o que dificultou a elección do cartel gañador. Burgo indicou que “cada ano é máis difícil a selección, xa que vai aumentando considerablemente o número de traballos presentados, o que pon de manifesto a consolidación do concurso”.

A directora da Ramón Falcón explicou que “non foi nada fácil a selección do gañador pola alta calidade e orixinalidade dos carteis presentados” e engadiu que “eliximos o cartel gañador porque sobresaía o seu impacto visual”.

Outro dos elementos do cartel subliñados polo xurado, foi a inclusión da imaxe da Muralla romana que este ano celebra o seu décimo aniversario como Patrimonio Mundial.
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova