Cargando....
Concello de Lugo
29/03/24
NOVAS
Escoita esta páxina

O Concello de Lugo constitúe por consenso o foro de mobilidade co obxectivo de dar a coñecer e consensuar o Plan


# Venres, 05/02/2010
* O Alcalde de Lugo presidiu hoxe a reunión da Comisión Executiva do Plan

O Alcalde de Lugo, José López Orozco, presidiu hoxe unha nova xuntanza da Comisión Executiva do Plan de Mobilidade na que se decidiron por unanimidade os participantes no foro que dará a coñecer o Plan co obxectivo de consensuar o documento.

Na reunión, na que participaron os representantes dos grupos políticos, así como o Concelleiro de Protección da Comunidade, José Rábade, e o Director do Plan, Miguel Ángel Negral, decidiuse convocar ao foro que se reunirá nas próximas semanas no Centro de Convivencia Uxío Novoneyra.

O foro estará constituído por:

- Representantes dos Grupos Políticos
- Representantes dos Colexios profesionais
- Representantes dos Sindicatos
- Concesionario do Transporte Público
- Concesionarios aparcadoiros públicos
- Propietarios aparcadoiros privados
- Representante de Empresas de transporte
- Representante de Empresas distribución mercadorías
- Representante da USC
- Representante das Asociacións de discapacitados
- Representante Federación de Asociacións de Veciños
- Representante asociacións de veciños non federadas
- Representante da Asociación de Hostaleiros
- Representante da Federación de Comercio
- Representante Autoescolas
- Representante concesionarios de coches
- Representante da Asociación de motoristas
- Representante de Asociacións deportivas e ciclistas
- Representante dos Taxistas
- Representante da Subdelegación do Goberno en Lugo
- Representante da Dirección Xeral de Mobilidade da Consellería de Medio Ambiente, Territorio e Infraestruturas
- Representante da Cámara de Comercio
- Representante da Confederación de Empresarios Lucenses
- Representante dos colectivos ecoloxistas
- Técnicos municipais: urbanismo, medio ambiente, Policía Local e infraestruturas

O foro seguirá un calendario co obxectivo de que o plan sexa consensuado por toda a sociedade e a cidadanía de cara a a súa implantación.

O foro tratará sobre o transporte público, os espazos urbanos e a peonización, tráfico, transporte privado e aparcamento, entre outros asuntos. Preténdese obter un documento consensuado que permita que Lugo conte cun plan integral para recuperar espazos públicos para o conxunto dos cidadáns.

Colaboración universitaria
O Goberno Local contará ademais coa colaboración dunha beca FEUGA procedente da Universidade que actúe como a persoa de referencia administrativa en relación co plan, ao tempo que participará en todas as reunións que se celebren no marco do foro. Hoxe decidiuse comezar cos trámites de contratación.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova