Cargando....
Concello de Lugo
13/11/19
NOVAS
Escoita esta páxina

O Concello de Lugo declara non apta para o consumo a auga de abastecemento municipal mentres se acometan os traballos de purgado que comezaron hoxe


# Mércores, 10/02/2010
* O Goberno Local informará aos usuarios cando se levante a prevención, posiblemente en 48 horas

O Concelleiro de Medio Ambiente e Zona Rural, Lino González Dopeso, informou hoxe que o Goberno Local declarou non apta para o consumo a auga de abastecemento municipal mentres duren os traballos de purgado que se están acometendo. Manterase en tanto duren as tarefas debido á elevada turbiedade que presenta o líquido, o que a fai inapropiada para o seu uso, expuxo.

O Concelleiro explicou que as analíticas rexistradas nos últimos meses revelan que a auga é potable. Sen embargo, e con motivo do intenso purgado que comezou hoxe en toda a cidade, o Concello de Lugo recomenda non beber a auga da traída, por mor da súa turbidez.

Así, os índices de turbidez desaconsellan o seu consumo, tal e como se lle trasladou á Consellería de Sanidade a través da Delegación Territorial esta mesma mañá.

O purgado estase levando a cabo por mor das queixas rexistradas en relación coa turbidez da auga. Esta medida permitirá renovar a auga da rede.

Previsiblemente a recomendación rematará logo de 48 horas.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova