O Concello de Lugo organiza o VIII Torneo de Xadrez de Semana Santa
# Venres, 05/03/2010
A actividade terá lugar o domingo 21 de marzo nas instalacións do Parque Infantil de Tráfico López Mella
O Concello de Lugo, a través da Concellería de Educación que dirixe Dolores Vieiro, a Escola Luguesa de Xadrez, a Asociación Cultural Xaquedrum e o grupo El Progreso, organizan un ano máis o torneo de Xadrez de Semana Santa que chega xa á súa oitava edición.
A proba terá lugar Centro de Educación do Parque Infantil de Tráfico López Mella o domingo 21 de Marzo dende as 16:15 horas ata as 19:30 horas, englobado dentro do circuíto Camiño do Scacorum.
O obxectivo desta actividade é dar alternativas no tempo de lecer onde poida participar toda a familia nas épocas de vacacións e, ao mesmo tempo, crear un espacio de convivencia entre as mozas e mozos que comparten as mesmas inquedanzas.
Haberá cinco categorías:
-Sub 8
-Sub10
-Sub12
-Sub14
-Sub 20
-Familiares e acompañantes.
A inscrición será gratuíta e pódese facer ata o día 20 de marzo ás 20:00 horas no teléfono 657 974 937 ou a través da dirección de correo electrónico: xaquedrum
gmail.com.
Compartir: