Cargando....
Concello de Lugo
28/03/24
NOVAS
Escoita esta páxina

O ciclo Lubicán ofrecerá concertos os cuartos xoves de cada mes en Lugo


# Luns, 15/03/2010
O programa comeza o día 25 de marzo e inclúe unha actuación de Berrogüetto

Imaxe Asociada Imaxe Asociada
Representantes de Lugo Cultural presentaron este luns 15 a terceira edición do ciclo de concertos Lubicán, que pretende achegar ao público a música feita por grupos galegos de diferentes estilos e con diferentes formacións.

O programa de concertos desenvolverase todos os cuartos xoves de cada mes, dende marzo ata xuño, coa participación de representantes de estilos tan diversos como o jazz, o flamenco, o folk ou o pop.

A actuación do grupo Sumrrá dará comezo ao ciclo Lubicán o día 25 de marzo cun concerto na Escola Universitaria de Formación do Profesorado. Este programa musical continuará o 22 de abril coas actuacións de Marcos Teira e Lar Legido, e Aló Irmao na Praza de Santa María; o 20 de maio terá lugar a actuación de Berrogüetto no Auditorio Gustavo Freire; e o 24 de xuño Sonoro Maxín dará o recital que pechará este ciclo na Praza de Santa María.

A entrada a todos os concertos será gratuíta, agás no caso de Berrogüetto, cuia recadación se destinará á compra da casa de Manuel María en Outeiro de Rei para convertela en casa-museo. Estas entradas poderanse adquirir dende o 6 de abril na Oficina de Cultura do Campus de Lugo.

Á presentación do programa de concertos do ciclo Lubicán asistiron a vicerreitora de Cultura da USC, Elvira Fidalgo; o delegado territorial da Xunta de Galicia, José Carlos Rodríguez Andina; o delegado de Cultura da Deputación Provincial, Antonio Veiga; a concelleira de Economía e Emprego do Concello de Lugo, Sonia Méndez; e o xerente da Fundación Caixa Galicia en Lugo, Sinesio Pérez.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova