Cargando....
Concello de Lugo
21/01/21
NOVAS
Escoita esta páxina

O Concello de Lugo reforza a reacción ante a situación de crise con medidas de apoio á reactivación do mercado laboral


# Xoves, 18/03/2010
* Así o destacou Sonia Méndez nun almorzo coa Asociación de Jóvenes Empresarios de Lugo

A Concelleira de Economía e Emprego do Concello de Lugo, Sonia Méndez, participou hoxe nun almorzo coa Asociación de Jóvenes Empresarios de Lugo (AJE) onde destacou o reforzo e a rápida reacción do Goberno local ante a situación de crise con medidas de apoio á reactivación do mercado laboral.

Sonia Méndez citou como factores desa rápida reacción, as medidas de contención fiscal aplicadas polo Concello de Lugo como a conxelación dos impostos municipais ou as licenzas de apertura.

Neste sentido, referiuse á ampliación das bonificacións como aquelas relacionadas co medioambiente: vehículos ecolóxicos ou obras que incorporen sistemas de aproveitamento da enerxía solar.

Entre as importantes accións desenvolvidas polo Goberno que dirixe José López Orozco atópase a redución dos gastos de funcionamento que vai parella a un aumento do gasto social.

No relativo ao gasto social, o Concello de Lugo é a administración local que máis inviste do Estado neste concepto a través de programas de inserción laboral e formación.

Sonia Méndez destacou así mesmo o alto investimento en obra pública coa creación de máis de 1.000 postos de traballo derivados das actuacións do Plan Urban e da primeira convocatoria do Plan E.

Ademais destas importantes medidas, a Concelleira de Economía e Emprego referiuse ao esforzo levado a cabo nas axudas a pemes grazas ao Plan Urban que potencian a revitalización comercial e turística do centro histórico ou o labor realizado desde o Centro de Empresas e Innovación (CEI) con programas personalizados de consolidación e xestión económica, entre outros.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova