Imprimir

O CONCELLO REPARTIRÁ EN TRES MUSEOS DA CIDADE AS BOTELLAS DE COCA-COLA DEDICADAS AO ANIVERSARIO DA MURALLA COMO PATRIMONIO MUNDIAL


28/4/2010 Os visitantes do Centro de Interpretación da Muralla, da Casa dos Mosaicos e do Museo Arqueolóxico de San Roque recibirán como recordo un refresco

O vindeiro luns 3 de maio comeza o reparto das 3.000 botellas elaboradas por Coca-Cola e o Concello de Lugo con motivo do Décimo Aniversario da Muralla como Patrimonio Mundial por parte da UNESCO.

As persoas que visiten a Casa dos Mosaicos, o Centro de Interpretación da Muralla e o Museo Arqueolóxico de San Roque, recibirán como agasallo unha das botellas de edición limitada deste refresco.

A botella ten impresa unha imaxe da Mosqueira da Muralla e o logotipo de Lugo10, o programa que engloba todos os actos de celebración do décimo aniversario.

Coca-Cola distribuirá, ademais, aos hostaleiros e centros comerciais galegos, unha boa parte das 3.000 botellas conmemorativas do décimo aniversario do patrimonio mundial do monumento máis significativo da cidade.

www.lugo10.es