O Concello de Lugo súmase o vindeiro martes, 18 de maio, á celebración do Día Internacional dos Museos cunha xornada de portas abertas na que se poderán visitar, de forma gratuíta os catro museos municipais.

Ademais, o sábado e domingo, o acceso seguirá sendo gratuíto e terá lugar unha actividade moi en consonancia co lema da celebración este ano, Museos para a harmonía social, na a ofrecerán visitas guiadas a colectivos de persoas con diversidade funcional e grupos en risco de exclusión social -poboación penitenciaria, comisión de investigación de malos tratos, emigrantes, sen teito, etc.

Para as visitas guiadas que se realizarán o sábado e domingo estes colectivos deberán concertar cita previa no teléfono 982 297 347 ou na web www.lugoturismo.com.