Cargando....
Concello de Lugo
29/03/24
NOVAS
Escoita esta páxina

O Concello organiza unha nova edición de cursos de verán de educación vial


# Mércores, 26/05/2010
O prazo de inscrición ábrese o día 1 de xuño e os cursos comezarán o día 28 do mesmo mes

Imaxe Asociada
A Concelleira de Educación, Dolores Vieiro, e o Director do Parque Infantil de Tráfico, José Reigosa, presentaron hoxe a Festa da Educación Viaria Cidade de Lugo e os novenos cursos de verán de educación viaria que organiza o Concello.

A Festa da Educación Viaria terá lugar o sábado no Parque Infantil de Tráfico López Mella de Lugo. As actividades terán lugar de 10 a 14 horas e pola tarde de 16.30 a 19.30. O programa inclúe a entrega dos premios do 9º Concurso de Debuxo de Educación Viaria, ás 12.30.

A Concelleira de Educación, Dolores Vieiro, salientou que as obras presentadas ó certame de pintura, que é de ámbito galego tivo este ano unha calidade extraordinaria.

O Director do Parque Infantil de Tráfico, José Reigosa, explicou que haberá circuítos de karts, patinaxe, ciclomotores e tres pistas de scalextric, ademais das exposicións de debuxos participantes no certame e dos premiados en edicións anteriores. Tamén haberá unha exposición de vehículos de seguridade, da Garda Civil, Policía Local, Bombeiros, Protección Civil e Cruz Vermella.

Tocante ós cursos de verán de educación viaria, a Concelleira indicou que o prazo de inscrición para tomar parte neles será do 1 ó 15 de xuño, a lista de admitidos farase pública o día 22 e os cursos desenvolveranse do 28 de xuño ó 23 de xullo. A clausura terá lugar o día 26 de xullo.

O Director do Parque Infantil de Tráfico sinalou que está previsto facer grupos por idades, de 8 e 9 anos, de 10 e 11 anos, de 12 a 14 anos e de 15 a 16, para adecuar as actividades á idade dos pequenos que participen nos cursos. Tamén está previsto que os grupos non pasen de 20 alumnos.

Pode consultar as bases, horarios e descargar a solicitude desde a sección de "Tramita na túa casa"
Escoitar audio:
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova