Cargando....
Concello de Lugo
29/03/24
NOVAS
Escoita esta páxina

O Concello de Lugo asina dous convenios para a promoción da saúde e prevención de drogodependencias


# Mércores, 02/06/2010
Os documentos foron asinados coa asociación Dignidade Lugo e a asociación Valponasca

Imaxe Asociada
A Concelleira de Benestar Social e Igualdade, Carmen Basadre, Fernando Pérez da Asociación Dignidade Lugo, e Concepción Muñoz, da Asociación Valponasca, asinaron un convenio de colaboración para a realización de actividades de promoción da saúde e prevención de drogodependencias.

O obxecto do convenio asinado coa Asociación Valponasca é establecer o marco de colaboración para o desenvolvemento de actuación no ámbito socieducativo coa mocidade enmarcadas dentro do proxecto CASA LUGO. A asociación levará a cabo accións de programación de sesións didácticas e talleres educativos necesarios para a realización e execución dos programa e actos en colaboración cos técnicos do Servizo de Prevención das Drogodependencias do Concello.


En canto ao convenio asinado coa Asociación Dignidade Lugo ten como obxectivo o desenvolvemento de actuacións que fomenten a integración dos menores e adolescentes en risco e conflito social que están adscritos nos diferentes centros e programas que desenvolve a entidade, concretamente aquelas que favorezan a promoción da saúde a adquisición de hábitos saudables, e que todas aquelas que favorezan condutas afastadas dos riscos e perigos do consumo de drogas. As actuacións son desenvoltas a través de talleres e charlas por medio de materiais dos que se dispón o servizo municipal de prevención de drogas.

Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova