O vindeiro domingo,  6 de xuño, de 16:30 a 19:00 horas, a Concellería de Educación que dirixe Dolores Vieiro, celebrará na Praza Maior un torneo de xadrez co gallo do fin de curso e, ao mesmo tempo, terá lugar a entrega de premios do circuíto “Camiño do Scacorum”.

O torneo será totalmente gratuíto e os emparellamentos realizaranse a través do programa informático Swiss Perfect.

Haberá premios para os mellores clasificados e clasificadas e un agasallo como recordo para todos os participantes.

Neste torneo haberá cinco categorías:

- Menores de 10 anos

- Menores de 12 anos

- Menores de 14 anos

- Menores de 18 anos

- Familiares dos participantes (acompañantes)