Esta fin de semana terá lugar a VI Feira de San Pedro de Nadela
# Xoves, 24/06/2010
O Concello de Lugo porá un servizo gratuíto de autobuses dende as 9:00 ás 15:00 horas
A Concelleira de Servizos Xerais, Luisa Zarzuela, e os representante da Asociación Carballeira de Nadela, Angel López e Antonio Abeledo, presentaron hoxe a VI Feira de San Pedro.
Zarzuela explicou que esta feira é un día familiar e animou a todo o mundo a unirse á festa.
Como noutros anos o Concello colabora co servizo gratuíto de autobuses que sairán dende as 9:00 ata as 15:00 diante do Instituto Virxe dos Ollos Grandes na Avenida de Ramón Ferreiro.
O programa comezará o sábado 26 de xuño cunha churrascada popular a partir das 22:00 horas.
Xa o domingo, ás 9:00 horas coa asignación de postos e a exposición dos produtos do país artesáns, ecolóxicos e tradicionais. A unha da tarde realizarase a recepción das autoridades, que darán unhas palabras de benvida aos presentes.
Á unha e media comezará a sesión vermouth a cargo da orquestra Acordes, á que seguirá a música con charangas e gaiteiros que amenizarán o resto da xornada. A mesma orquestra protagonizará a festa e verbena a partir das 22:00 horas.
Sobre 17:00 comezarán os xogos populares. Ademais haberá postos con polbo á feira, churrasco, bacallao, lacón e chourizos.
Compartir: