-
Casa do Concello
- ALCALDÍA
-
CONCELLERÍAS
-
Benestar Social e Igualdade
- ▸ Actualidade
- ▸ Centros de Servizos Sociais
- ▸ Igualdade: Casa da Muller
- ▸ Accesibilidade
- ▸ Animación socio-cultural e centros de dinamización sociais rurais
- ▸ Programas de Actuación
- ▸ Unidade de Información a Inmigrantes e Emigrantes Retornados
- ▸ Oficina Municipal do Plan de Inclusión
- ▸ Certames e concursos
- ▸ Publicacións da Concellería
- ▸ Contactar
- Cultura, Turismo, Xuventude e Promoción da Lingua
- Deportes
- Economía, Emprendemento e Autónomos
- Desenvolvemento Local
- Educación, Formación e Orientación Laboral
- Infraestruturas e Medio Rural
- Recursos Humanos e Protección da Comunidade
- Servizos Xerais e Participación Cidadá
-
Urbanismo e Medio Ambiente
- ▸ Actualidade
- ▸ Comunicación Previa Apertura Establecementos Comerciais
- ▸ Abastecemento de auga
- ▸ Axenda 21
- ▸ Comunicación previa obras menores
- ▸ Punto Limpo
- ▸ A Limpeza na cidade
- ▸ Residuos
- ▸ Ordenanzas
- ▸ Exposición pública de plans urbanísticos
- ▸ Arquivo Municipal
- ▸ ITE
- ▸ Información Medioambiental
- ▸ Licenzas
- ▸ Normativa urbanística
- ▸ Planeamento, Xestión e Disciplina
- ▸ Rehabilitación
- ▸ Contactar
-
Benestar Social e Igualdade
- CONCELLO
- CENTROS MUNICIPAIS
- ORDENANZAS MUNICIPAIS
- ÓRGANOS MUNICIPAIS
- IMAXE INSTITUCIONAL
- GABINETE DE PRENSA
- PROTOCOLO
- TELÉFONOS
- Lugo Municipio
- Lugo Turístico
- Contorna Económica
- Zona de Servizos
- Lugo para a xente
O CONCELLO MANTÉN O OPERATIVO DE LIMPEZA E ARRANXO DE DANOS TRALA TREBOADA QUE CAEU NA CIDADE
# Sábado, 26/06/2010
O Concello mantén a pleno rendemento o operativo que traballa na limpeza e arranxo dos desperfectos que ocasionou na cidade a intensa tormenta que caeu onte.
O equipo de Goberno e os servizos municipais seguen traballando para resolver os problemas ocasionados pola treboada.
O Concelleiro de Protección da Comunidade, José Rábade, sinalou que se demostra que “Lugo é capaz de superar emerxencias imprevistas coma esta”. Rábade tamén agradeceu a colaboración cidadá e o traballo que levan a cabo dende onte tanto os servizos municipais como as empresas concesionarias.
Os Bombeiros realizaron durante a mañá máis de 10 actuacións. Aínda a esta hora están traballando na Ronda de Fingoi, onde se chegaron a acumular dous millóns de litros de auga no garaxe dun edificio. Ata o lugar desprazáronse a pasada noite e esta mañá os Concelleiros de Protección da Comunidade e Infraestruturas, a Delegada de Urbanismo e tres técnicos municipais. Noutro garaxe da rúa Alfonso X o Sabio os bombeiros achicaron un millón e medio de litros de auga. Os Bombeiros tamén tiveron que intervir en Campos Novos.
Os servizos de Protección Civil traballaron esta mañá no valado e recuperación de tapas de sumidoiros, concretamente en Pío XII, República Argentina, Calzada da Ponte e Praza da Libertade. A forza da auga que caeu onte foi de tal magnitude que unha tapa dun sumidoiro da rúa Santiago foi desprazada arredor de 800 metros ata a Calzada da Ponte. Protección Civil tamén valou as escaleiras de acceso de República Argentina cara o Circo porque quedaron suspendidas ó levar a auga o recheo de terra.
Tamén valaron un importante socavón no Carril do Outono despois de que o valorara a Patrulla Verde. A Concellería de Infraestruturas encargoulle a unha empresa a instalación dunha chapa metálica para tapar o socavón.
Pola súa parte a Policía Local interveu esta mañá na Rúa da Luz e en Campos Novos, onde se asolagaron dous garaxes e sufriron danos outros tantos vehículos. Tamén acudiu a Alexandre Bóveda, onde quedaron atascados os sumidoiros. A empresa Urbaser fíxose cargo da súa reparación
A Concellería de Benestar Social e Igualdade decidiu pechar durante a fin de semana o Centro de Convivencia Trapero Pardo para limpalo. O peche prolongarase posiblemente toda a semana que vén co fin de ventilalo e que quede perfectamente acondicionado.
Arde Lucus
A forte treboada que caeu sobre Lugo na tarde de onte non logrou desanimar ós lucenses que desfrutan do Arde Lucus. Os espectáculos que tiveron que suspenderse onte terán lugar hoxe. O desfile de cabalería Equites terá lugar as 16.30 desta tarde e a sesión do Circo Romano aprazouse para hoxe ás 23.00.
O Concello calcula que unha vez superada a tormenta de auga e saraiba desfrutaron da festa unhas 80.000 persoas, algunhas das cales prolongaron a festa ata a mañá.
Compartir:
