Cargando....
Concello de Lugo
10/07/20
NOVAS
Escoita esta páxina

O programa Lugo Contigo facilita o acceso a un posto de traballo a 64 desempregados lucenses


# Xoves, 19/08/2010
O Alcalde de Lugo e a Concelleira de Economía e Emprego entregaron os diplomas aos participantes da segunda parte do programa de emprego Lugo Contigo II.

En total, foron 154 desempregados os que participaron neste programa de emprego. 64 foron contratados polas empresas onde realizaron as prácticas.


O Alcalde de Lugo, José López Orozco, e a Concelleira de Economía e Emprego, Sonia Méndez, fixeron entrega dos diplomas aos participantes do programa de emprego Lugo Contigo II. Trátase da segunda parte deste programa de emprego dirixido a persoas que contan con máis dificultades de acceso ao emprego, en especial a persoas con algunha discapacidade.

Un total de 100 participantes foron os beneficiarios desta segunda parte da segunda edición deste proxecto, que ten como obxectivo levar a cabo itinerarios personalizados de emprego co fin de acadar a inserción laboral: titorías e apoio personalizado.

Trátase dun programa de emprego, desenvolto polo Concello de Lugo e subvencionado pola Consellería de Traballo da Xunta de Galicia, realizado en colaboración coas diferentes asociacións de Lugo: ASPNAIS, Asociación de Xordos, COGAMI, FADEMGA, AUXILIA, SINDROME DE DOWN, FEAFES…

Os participantes nesta edición realizaron prácticas nas seguintes empresas da cidade:

- Cruz Roja Española acolleu a 15 persoas que traballaron no sector de auxiliar de axuda a domicilio e coidado.
- Calfensa Proyectos S.L acolleu a 6 desempregados que traballaron no sector da xardinería.
- Limpiezas Domiciliarias Lucenses contou con 8 participantes
- Urbaser S.A. contou con 3 desempregados como operarios de residuos sólidos e urbanos.
- Ingapan S.L. acolleu 10 participantes como operarios de produción e dependentes.
- Alalás S.L. acolleu a 3 persoas traballando como xerocultores.
Maderas Manuel Villamor S.L. contou con 17 persoas como operarios de serrería.
- Arroupar contou con 3 desempregados que traballaron como xerocultores
- Arenal Perfumerías S.L. acolleu a 6 persoas como mozos de almacén.

Fases anteriores

Lugo Contigo I acadou unha participación de 54 persoas, 24 homes e 30 mulleres, dos que 28 foron contratados polas empresas nas que realizaron as súas prácticas.

En total, foron 100 as persoas participantes en Lugo Contigo II, das cales 36 (18 homes e 18 mulleres) foron contratados polas empresas nas que fixeron as prácticas.

O programa de emprego Lugo Contigo I e Lugo Contigo II contou cun total de 154 participantes dos cales 64 foron contratados. Deste xeito, superouse o mínimo dun terzo (33%) que era obrigatorio contratar por parte das empresas, xa que obtiveron traballo, entre as dúas edicións, máis dun 40% dos participantes.

 




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova