A Concelleira de Cultura anuncia a actuación de Joaquín Sabina nas festas de San Froilán
# Mércores, 08/09/2010
O concerto terá lugar o día 11 no Pazo Universitario
A Concellería de Cultura, Nuria Mundiña, confirmou hoxe a actuación de Joaquín Sabina nas festas de San Froilán.
O concerto de Joaquín Sabina terá lugar o día 11 de outubro no Pazo Universitario. Nuria Mundiña explicou que se poñerán á venda 6.000 entradas a través de Caixanova. As mil primeiras entradas venderanse a 25 euros e o resto a un prezo único de 30 euros.
A Concelleira de Cultura detallou ademais o resto dos concertos que xa están pechados entre os que destacan as actuacións de Josele Santiago, Concha Buika, Los Gofiones, Juan Perro, Placebo, Ilegales, Mastretta e Fórmula V, ademais de numerosos grupos lucenses xa que, segundo explicou Nuria Mundiña, “este ano hai unha aposta especial polos grupos lucenses”.
O programa está practicamente pechado aínda que está pendente a contratación dalgúns grupos lucenses que actuarán como teloneiros.
Nuria Mundiña salientou tamén que “este ano queremos facer un acto oficial de apertura das casetas do polbo que está previsto para o día 1 pola mañá” e indicou que o prezo da ración será de 7 euros.
En canto a apertura das portas da Muralla dixo que “temos o proxecto de que cada unha sexa aberta por algún estudoso relacionado co Camiño de Santiago”.
Mundiña indicou tamén que “o programa das festas estará na imprenta a semana que vén”.
Concertos programados
Sábado 2:
Kike Ganso
Kimuru
Josele Santiago
Domingo 3:
Batital
Kibitka
Luns 4:
Orquesta Platería
Orquesta Poceiro
Martes 5:
Concha Buika
Orquesta Tango
Mércores 6:
Certamen de Bandas
O baile de Ardebullo
Xoves 7:
Pignoise (20:30)
Los Gofiones
Venres 8:
Juan Perro
Placebo
Orquesta America y O. Suavecito
Sábado 9:
Folclore tradicional
Ilegales
O. Los Players y O. Ledicia Espectáculo.
Domingo 10:
Mastretta
Fórmula V
O. Compostela
Luns 11:
Brath
Joaquín Sabina
O. Gran Canaria y O. d´moda
Martes 12:
Feria Medieval
Nova Galega de Danza
O. los Satélites
Compartir: