Imprimir
LUGO10 RECUPERA, DEZ ANOS DESPOIS, A REPRESENTACIÓN AULULARIA
7/10/2010 A Concelleira de Cultura, Nuria Mundiña e membros do grupo de teatro Achádego presentaron a vindeira representación da obra AULULARIA, que se fará en conmemoración ao Décimo Aniversario
A comedia de Plauto representarase o 16 de outubro as 20.30 horas no Auditorio Gustavo Freire, e a entrada será de balde
A Concelleira de Cultura, Nuria Mundiña, xunto coa Presidenta da Asociación Teatral Achádego, Tareixa Campos, e o Director da obra AULULARIA, Antón Sampaio, presentaron hoxe a vindeira representación do grupo de teatro Achádego, incluida no programa de actos de conmemoración do Décimo Aniversario, Lugo10.
Hai dez anos que o grupo de teatro Achádego representaba a comedia de Plauto AULULARIA, e hai dez anos que a Muralla de Lugo conseguiu a distinción de Patrimonio Mundial. Deste xeito, o grupo de teatro lucense quixo participar nesta celebración, e representará, dez anos despois, a mesma obra.
A cita será no Auditorio Gustavo Freire o 16 de outubro as 20.30 horas e a entrada será de balde ata completar aforo.