Cargando....
Concello de Lugo
07/07/20
NOVAS
Escoita esta páxina

O V Concurso Galego de Cortadores de Xamón xa ten gañadores


# Venres, 15/10/2010
A Concelleira de Cultura, Nuria Mundiña, fixo entrega do primeiro premio ao gañador do Concurso Galego de Cortadores de Xamón, Pedro Antonio Mora

Imaxe Asociada

Doce cortadores profesionais de xamón disputaron hoxe, dende as 11 da mañá a gran final do V Concurso Galego de Cortadores de Xamón, nunha carpa situada na Praza Maior de Lugo. O Concurso contou coa colaboración do Concello de Lugo e o programa Lugo10, a Deputación de Lugo, Lugo Terra, a Asociación Gastronómica e Cultural Tenedor de Oro, a DO Ribeira Sacra, e o patrocinio de Coren.


Os doce participantes, profesionais chegados dende toda España, cortaron xamón ante a atenta mirada dun xurado composto por José Manuel Miguez Cid, Campión Galego 2009; Emilio Calo Rama, Campión Galego 2008; Manuel Anselmo Pérez, Campión Nacional 2010; Rafael Ortiz Romero, responsable da Unidade de Xamóns Coren e Alba García, veterinaria da ASOPORCEL. Todos eles, coordinados por Nacho Costoya, Vicepresidente da Asociación Galega de Maitres e Técnicos de Hostalería (AMAIGA) e por Sergio Carozo, da Asociación Extremeña de Cortadores de Xamón de Badajoz.

Os participantes competiron por alcanzar as máximas cualificacións, tendo en conta o estilo, o grosor ou tamaño da rebanda, a limpeza ou a rectitude no corte, entre outros aspectos. Tras unha longa deliberación por parte do xurado, os gañadores, que recibiron premio en metálico e trofeo, foron:

1º - Pedro Antonio Mora Porras, de Chipiona
2º - Carlos Martínez Blanco, de Paracuellos del Jarama (Madrid)
3º - Carlos Lorenzo Fernández, de Pontevedra

O cuarto clasificado foi Julián Torres Ouro, de Santiago, seguido por Raúl García Barriga, de Ourense, e o sexto clasificado foi Severino Carballeiro Eiras, de Xixón.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova