Lugo10 e Larsa apostan pola Muralla Romana

# Xoves, 25/11/2010

Durante todo o mes de novembro, Lugo10 estará presente en campaña televisiva


Cúmprense dez anos dende a declaración da Muralla de Lugo como Patrimonio Mundial. Unha data moi especial para a cidade, que está a celebrar durante todo este ano múltiples actividades culturais, deportivas, artísticas, sociais o medioambientais, a través da marca Lugo10.

A empresa Larsa quixo sumarse a este programa de actividades, conmemorativas do Décimo Aniversario, distribuíndo envases conmemorativos (briks) nas súas tres variedades de leite, e que terán a imaxe da Muralla de Lugo e o logotipo da marca Lugo10.

Ademais, Larsa decorará a súa factoría de Lugo cunha lona na súa fachada principal coa mesma creatividade, así como Mupis, e varias campañas publicitarias en medios de comunicación como un spot televisivo ou a proxección da marca Lugo10 a través de prensa escrita.

LARSA únese ao Programa Lugo10

Lugo10 fixo a súa presentación oficial o 11 de xaneiro cunha espectacular gala celebrada no Círculo das Artes. A partires deste intre, a marca Lugo10 estivo presente en Internet e as redes sociais a través da páxina web www.lugo10.es. Tivo a súa presenza en FITUR, e no mes de marzo organizou a I Subida Muralla de Lugo coa Escudería Miño. En abril houbo música da man dos Secretos, no Auditorio Gustavo Freire, e moda, coa celebración da Gala Muralla Moda 2010 que acadou unha gran repercusión mediática. Xuño e Xullo ofreceu aos lucenses e visitantes jazz nas rúas así como a posibilidade de coñecer a historia romana da cidade a través das Xornadas sobre Romanización. Lugo10 ademais estivo presente durante estes meses en toda a cidade a través de moitas actividades como Breackdance nas rúas, exposicións (“Orígenes”, “Miradas, tramas, expresións e realidades”), visitas teatralizadas no centro histórico ou a celebración da Gala de Danza Lugo10, celebrada o 4 de xuño no Auditorio Gustavo Freire, e que acadou un gran éxito.

Máis de 800 persoas participaron nas actividades de Lugo10 Lugoteando, celebradas no río Miño, e preto de 10.000 foron as que visitaron o Barco Muralla de Lugo, unha aula turístico-medioambiental móbil e pioneira en España que a Deputación de Lugo puxo en marcha para homenaxear a Muralla lucense polas principais cidades españolas. E coma non podería ser doutro xeito, Lugo10 non podía esquecer unha cita histórica, a celebración da final do Mundial de Sudáfrica España-Holanda, que compartiu con todos os afeccionados na Praza de Santa María.

Varias empresas quixeron sumarse a esta celebración como Coca-Cola, que fixo a súa particular homenaxe a Muralla lucense cunha botella conmemorativa, da que se fixeron dúas tiradas de 3.000 unidades e que aínda hoxe poden conseguir os visitantes do Centro de Interpretación da Muralla, da Casa dos Mosaicos e do Museo Arqueolóxico de San Roque.

Dende Lugo 10 tamén se quere apoiar aos novos talentos. Así, músicos, actores ou directores de cine teñen a oportunidade de participar no Concurso Nacional de curtametraxes e maquetas Lugo10 que organiza a Fundación TIC, dependente da Deputación de Lugo, e que está dotado con 9.000 euros en premios.

Lugo10 segue a estar presente nas rúas; un colorido logo de Lugo10 en flores dan a benvida a zona da Mosqueira, 34 autobuses da empresa Monbus locen a marca Lugo10 polas estradas, rueiros da cidade, 5.000 exemplares coa información sobre os restaurantes do centro histórico e os hoteis de Lugo así coma mupis nas principais rúas da cidade ou os laterais das novas máquinas da ORA.

Dende a concesión da marca Lugo10, todas as actividades realizadas dende o Concello contan coa súa presenza. Unha marca que ten vocación de continuidade e que se manterá unha vez rematado o ano 2010 i e que Lugo10 no só homenaxea o Décimo Aniversario da declaración da Muralla como Patrimonio Mundial, senón que expresa a idea dun Lugo moderno, dunha cidade excelente e con xente que merece un 10.


Lugo10 conta coa colaboración e patrocinio de o Concello de Lugo, a Deputación de Lugo, Laboratorios Nupel, Emetel, Urbaser, Telefónica, Gestagua, Calfensa, Fundación Azkar, Asogal Construcciones, Monbus, Cociñas Lareira, Transportes Valín, Ministerio de Cultura, Ministerio de Fomento-IGN, Correos, Coca-Cola, ONCE, Fundación César Egido Serrano, Mod Producciones, El Progreso, La Caixa, Caixa Galicia, La Voz de Galicia, o Xacobeo, INPE e Larsa.


LARSA

LARSA é líder no segmento do leite en brik da rexión e a única empresa láctea que fabrica iogures en Galicia, onde lidera as vendas deste produto. LARSA é o maior anunciante lácteo galego cunha factoría produtora de leite en Lugo e outra encargada da produción de iogures e queixos en Vilagarcía de Arousa. Os produtos LARSA están a recibir o recoñecemento nacional e internacional nos máis prestixiosos certames agroalimentarios. LARSA experimentou unha modernización no seu posicionamento como marca saudable de Galicia que se adapta aos novos estilos de vida dos galegos.


www.lugo10.es

 

Compartir: