Cargando....
Concello de Lugo
04/06/20
NOVAS
Escoita esta páxina

O luns dará comezo no Centro de Fingoi a oitava edición das Xornadas de achegamento ao tear tradicional e á artesanía de lá


# Venres, 07/01/2011
As Xornadas desenvolveranse os días 10, 11, 12, 13 e 14 de xaneiro no Centro de Convivencia Fingoi

O Concello de Lugo, dende a área de Benestar Social e Igualdade que dirixe Carmen Basadre, organiza no Centro de Convivencia de Fingoi e por oitavo ano consecutivo, as Xornadas de achegamento ao tear tradicional e á artesanía da lá.

As Xornadas están previstas para os días 10, 11, 12, 13 e 14 de xaneiro de 2011, e pretenden contribuír ao fomento do valor da nosa cultura entre os máis novos, favorecer o coñecemento das tradicións e colaborar a preservalas así como potenciar o desenvolvemento sociocultural da comunidade.

Nesta ocasión acadouse un nivel de inscrición en canto ao número de centros educativos e alumnas/os dos máis altos de todas as Xornadas, chegando a 240 participantes.

Todas as alumnas e alumnos recibirán unha pequena introdución aos labores artesanais relacionados coa lá e co tear que se viñan desenvolvendo polas mulleres, sobre todo do rural, durante séculos. Posteriormente pasarán mans á obra nos teares tradicionais, a fiar e cardar a lá, etc… Ademais tamén poderán admirar os utensilios para facelo (teares, fusos, cardas, unha fiadora manual…) e algunhas prendas do enxoval doméstico elaboradas con eles.





Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova