Cargando....
Concello de Lugo
28/03/24
NOVAS
Escoita esta páxina

Continúa o programa de Animación á lectura e contacontos na Biblioteca Municipal co Mago Rafa


# Mércores, 23/03/2011
A actividade, que xa ten todas as prazas cubertas, terá lugar este xoves, día 24 de marzo, ás 19:00 horas na Biblioteca Municipal

Imaxe Asociada

A Biblioteca Municipal acolle este xoves, día 24 de febreiro, unha nova actividade do programa de Animación á Lectura que se está a desenvolver ao longo deste primeiro trimestre do ano.

A partir das 19.00 horas, o Mago Rafa presentará “Momentos Máxicos”, unha montaxe fresca e actual, dunha hora de duración, onde a maxia máis divertida se mestura coas técnicas máis clásicas para ofrecer un espectáculo diferente onde a participación vai marcando o seu desenvolvemento. Esta actividade está recomendada para nenas e nenos maiores de sete anos.

As actividades do programa de Animación á Lectura son gratuítas, e celébranse os xoves ás 19:00 horas na Biblioteca Municipal. Debido á limitación do aforo (máximo 20 participantes) os pais e nais que desexen asistir deben retirar as invitacións na mesma Biblioteca. Para esta actividade xa están esgotadas todas as invitacións.

O programa de Animación á Lectura está deseñado especialmente para os máis pequenos, e busca fomentar o hábito da lectura a través de espectáculos de contacontos, obradoiros de monicreques, debuxo creativo e de creación literaria que tratan de estimular o gusto polos libros e a imaxinación dos máis cativos.

 




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova