Cargando....
Concello de Lugo
28/01/21
NOVAS
Escoita esta páxina

O Alcalde ofrece o apoio do Concello ós autónomos nunha xuntanza que mantivo coa nova directiva da Federación de Autónomos de Galicia


# Xoves, 21/07/2011


Imaxe Asociada
O Alcalde de Lugo, José López Orozco, e a Concelleira de Economía, Emprendemento e Autónomos, Sonia Méndez, mantiveron esta mañá unha reunión, na Casa do Concello, coa Federación de Autónomos de Galicia.

A reunión serviu de presentación da nova directiva da Federación de Autónomos de Galicia, que preside Javier Pérez Bello. O Alcalde explicoulle á nova directiva da entidade que “os autónomos sempre van contar co apoio e o estímulo do Concello de Lugo”. Neste sentido, explicou a creación dunha Concellería para atender a este sector tan importante na economía e no emprego, que representa case o 30% da poboación activa de Lugo.

López Orozco tamén salientou a transcendencia do asociacionismo para a defensa dos intereses dos autónomos. Ademais, no encontro falouse da necesidade de fomentar a cultura emprendedora desde a mocidade.

A xuntanza coa Federación de Autónomos de Galicia foi a segunda xuntanza que celebra o novo Goberno local con representantes deste colectivo, logo da reunión que mantivo a Concelleira Sonia Méndez a semana pasada co presidente da Unión de Profesionais e Traballadores Autónomos de Galicia, Lisardo Domínguez.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova