Cargando....
Concello de Lugo
21/01/21
NOVAS
Escoita esta páxina

Apertura das ofertas económicas para a rehabilitación do Vello Cárcere


# Martes, 09/08/2011

Este proxecto financiado con fondos do Plan Urban contan cun orzamento total de 5,7 millóns de euros repartidos en dúas fases



Imaxe Asociada
  • Imaxe Asociada
  • Imaxe Asociada
  • Imaxe Asociada

Na Mesa de Contratación celebrada hoxe no Concello de Lugo abríronse os sobres de ofertas económicas para a rehabilitación do Vello Cárcere. A este concurso presentáronse 29 empresas, quedando oito excluídas por razóns de falta de acreditación de solvencia técnica. Polo tanto, abríronse 21 sobres con diferentes ofertas económicas sendo Vulconsa a que mellor puntuación recibiu xa que fai unha baixa dun 38%.

Sonia Méndez explicou que agora “é necesario que a empresa xustifique que non esté en curso en baixa temeraria e que xustifique o prezo que propón para o que se lle concederá 10 días a partir de manan. A xustificación ten que ser avaliada polos arquitectos redactores do proxecto, e se a encontran efectivamente xustificada este será o adxudicatario das obras de rehabilitación do Vello Cárcere” declarou Sonia.

A Concelleira sinalou tamén que o proxecto se executará en dúas fases. “ Na primeira fase, pertencente a parte de atrás que non está ocupada actualmente pola Policía Local e que conta cun importe de execución de 3,6 millóns de euros, e unha segunda fase para abarcar o edifico que está ocupado pola Policía Local na actualidade”.

Méndez lembrou que “o proxecto foi redactado por un equipo de arquitectos galegos, gañadores dun concurso de proxectos que se levou a cabo no seu día, Creus y Carrasco. Trata de conservar en maior medida o edificio, a súa orixinalidade, un edifico moi valioso da cidade de Lugo cunha arquitectura moi singular en canto a institucións penitenciarias”.


Este proxecto, que está cofinanciado nun 70% con fondos FEDER da Unión Europea, do Plan Urban conta cun presuposto total de 5,7 millóns de euros repartidos en dúas fases e que darán comezo antes de finais deste ano cun prazo de execución de 14 meses. A Concelleira de Economía manifestou que “a finais deste ano, licitarase tamén a segunda fase, unha vez que a Policía Local se traslade o novo edifico situado en San Fiz, obras que tamén están a punto de rematar”. A obra civil espérase que estea rematada en setembro pero despois haberá que equipalo e facer o traslado tanto da Policía Local como do servizo de Protección Civil.

Este edificio destinarase a un centro cultural, polivalente que sirva principalmente para os artistas novos de Lugo, con moitas salas de exposicións e salas de ensaio para grupos teatrais. O Concello de Lugo tamén quere favorecer a implantación de empresas culturais na nosa cidade, por iso, tamén terán un espazo para empresas novas do sector cultural ou audiovisual que se creen en Lugo e tamén para asociacións; ademais de contar cun pequeno auditorio.


Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova