Hoxe ábrese o prazo para solicitar as bolsas escolares de axuda para educación infantil, no curso 2011-2012. O importe total destinado a estas axudas ascende a 21.000 euros, concedéndose un vale desconto por axuda de 80 euros.

Estas axudas teñen por obxecto a concesión de subvencións a familias con escasos recursos para a adquisición de libros de texto e material educativo para o segundo ciclo de infantil (3 a 5 anos) e para alumnado matriculado en centros sostidos con fondos públicos.

Pódense descargar os impresos na páxina web do Concello de Lugo, na de Participación Cidadá ou ben na propia Concellería de Educación, rematándose o prazo de solicitude o vindeiro 30 de agosto.