López Orozco asiste á inauguración do Curso Académico 2011-2012 da UNED

# Xoves, 20/10/2011
O Alcalde de Lugo, José López Orozco, asistiu ao acto de Inauguración do Curso Académico 2011-2012 da UNED e no que o Ministro de Fomento, José Blanco, ofreceu a lección inaugural do curso.

López Orozco iniciou a súa intervención cunha clara referencia ao comunicado de ETA e comentou que “despois de case 1000 mortos ao final as ideas venceron á irracionalidade” para despois centrarse nos beneficios que supón este centro en Lugo.

No acto participaron o Ministro de Fomento, José Blanco, o Presidente da Deputación de Lugo, José Ramón Gómez Besteiro, o Director do Centro Asociado da UNED, José Luis Prieto, o Deputado Provincial delegado de Cultura, Mario Outeiro, o Vicerreitor de Coordinación de Centros da UNED, Rodrigo Martín. Tamén acudiron o Subdelegado do Goberno, José Vázquez Portomeñe e o Vicerreitor de Coordinación da USC no Campus de Lugo, Pedro García Herradón entre outros.




Compartir: