Cargando....
Concello de Lugo
28/03/24
NOVAS
Escoita esta páxina

O Gran Concurso de Disfraces Infantil encheu de cor e imaxinación o sábado de Entroido


# Luns, 20/02/2012
Coreografías de películas, protagonistas dos contos infantís e personaxes inventadas animaron o concorrido desfile

Imaxe Asociada
  • Imaxe Asociada
  • Imaxe Asociada
  • Imaxe Asociada
  • Imaxe Asociada
Este sábado de Entroido celebrouse un ano máis o tradicional concurso de disfraces infantil organizado pola Concellería de Cultura, Turismo e Promoción da Lingua. O bo tempo acompañou á tarde festiva e os concursantes despregaron a súas dotes imaxinativas con vistosas creacións nun desfile seguido por numerosos lucenses.

A festa non faltou durante un desfile moi animado con celebradas coreografías como o baile do musical Grease, pallasos patinadores ou feros piratas. Os participantes fixeron gala de gran imaxinación con elaborados traballos como o tíovivo máxico, unha avioneta ou un tren do Miño. As personaxes nas que se inspiraron os nenos lucenses van dende os protagonistas dos contos como Peter Pan, a Cenicenta, ata Alicia no País das Marabillas. O cine tamén foi fonte de inspiración e non faltaron os Piratas do Caribe e a pandilla de Grease. Pero tamén houbo sitio para a fantasía e xurdiron personaxes como unha Dama das Neves, unha campesiña colombiana ou uns alebrixes, e tamén para a tradición coa comparsa dos piliqueiros.

O concurso comezou coa categoría de disfraces individuais na que se inscribiron oito persoas. Nesta categoría establecéronse tres premios e os agraciados foron os seguintes:

1º Premio para o disfrace O Sombrereiro Tolo
2º Premio para o disfrace O bandido do mar
3º Premio para o concursante A Dama das Neves
Premio especial Disfrace Reciclado para Voa Voa

Na categoría de disfraces por parellas presentáronse catro parellas, entre as que se repartiron os seguintes premios:
1º Premio que recibiu a parella de Irmáns Sparrow
2º Premio para os disfraces de Lady Pirata e o seu Capitán
3º Premio co que se galardoou á parella de Alebrixes
Premio especial Disfrace Reciclado para O Tren do Miño

O desfile rematou co paseo das nove comparsas que se presentaron. Ducias de nenos e nenas participaron nesta categoría que resultou por momentos moi espectacular debido aos elaborados e orixinais traxes deseñados, así como polas animadas coreografías.

Os premios repartíronse do seguinte xeito:
1º Premio para a comparsa Tíovivo Máxico
2º Premio para os membros de Grease Musical
3º Premio foi para Rumbo a Nunca Xamáis
Premio especial Disfrace Reciclado para Piliqueiros AMPA Illa Verde

Os premios consisten en vales de libros e o xurado estivo composto por por Víctor Manuel González Díaz, músico da Banda Municipal de Música e profesor, Sabela Eiriz Martínez, actriz e debuxante e Mª Elena Rodríguez Fernández, profesora do Conservatorio de Danza de Lugo.

Listado completo dos participantes no Gran Concurso de Disfraces Infantil


- Categoría individual:

1.-CAMPESINA COLOMBIANA
2.-CENICIENTA
3.-A RATIÑA PRESUMIDA
4.-VOA, VOA
5.-SOMBREREIRO TOLO
6.-O BANDIDO DO MAR
7.-TARTARUGA NINJA
8.-A DAMA DAS NEVES

Categoría de parellas:

1.-ALEBRIXES
2.-LADY PIRATA E O SEU CAPITÁN DO MAR
3.-O TREN DO MIÑO
4.- HERMANOS SPARROW (Piratas do Caribe)
E fóra de concurso desfilaron Os Picapedra.

Categoría de comparsas:

1.-TIOVIVO MÁXICO
2.-OS XIGANTES DE NEW YORK
3.-MUSICAL DE GREASE
4.-FADAS DA NATUREZA
5.-O BARCO DE MEL
6.-PETER PAN
7.-OS PELIQUEIROS DA AMPA DO ILLA VERDE
8.-PAIASOS SOBRE RODAS.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova