Cargando....
Concello de Lugo
29/03/24
NOVAS
Escoita esta páxina

López Orozco asina cun convenio co Colexio de Notarios para facilitar os trámites administrativos aos contribuíntes


# Mércores, 22/02/2012
Este acordo forma parte dunha serie de convenios con diferentes entidades para facilitar a información entre administracións

Imaxe Asociada

O Alcalde de Lugo, José López Orozco, e o decano do Colexio Notarial de Galicia, José Manuel Amigo Vázquez, asinaron o convenio co que se facilitará o pago da plusvalía na mesma notaría na que se realiza a transmisión do ben e, ademais, poderase coñecer a situación actual sobre os pagos do IBI pendentes do ben transmitido. Este acordo forma parte dunha serie de convenios que o Concello vai asinar con diferentes entidades para ofrecer unhas maiores facilidades aos contribuíntes, e que xa asinou co BBVA.

Desta maneira, o Concello de Lugo e o Colexio de Notarios, a través das novas tecnoloxías da información, ofrecen aos cidadáns a posibilidade de realizar na mesma notaría na que se concede a escritura pública, a autoliquidación das plusvalías e coñecer o estado do IBI. No primeiro dos casos, prestarase unha asistencia para a autoliquidación das plusvalías (IIVTNU) podendo acceder, o notario, dende unha plataforma tecnolóxica corporativa a unha base de datos do Concello dende o que poderá obter o borrador de autoliquidación e facer o pago on-line sen saír do despacho.

Na segunda posibilidade, os contribuíntes tamén poderán obter información e a posibilidade de abonar as débedas pendentes do IBI e das que teña que responder a persoa que adquira o inmoble. Tamén sen poderá incorporar ao padrón do IBI os efectos de carácter tributario deducidos das alteracións catastrais declaradas mediante escritura notarial.

Con estas medidas, o Concello de Lugo, preténdese avanzar na chamada ventanilla única da administración co obxectivo de facilitar os trámites burocráticos aos contribuíntes e conseguir tamén unha maior eficacia recadatoria. Neste sentido, o Concello de Lugo, xa comezou as negociacións con diferentes entidades para seguir facilitando o abono dos impostos municipais evitando o seu desprazamento como son o Colexio de Xestores, a Oficina do Catastro, a Axencia Tributaria e a Dirección Xeral de Tráfico.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova