O Alcalde de Lugo, José López Orozco, acaba de ser elixido para representar á Federación Española de Municipios e Provincias no Consello Mundial de Cidades e Gobernos Locais Unidos.

A FEMP vén de comunicarlle ó Alcalde a súa designación como membro titular do Consello. Este organismo naceu en 2004 para actuar como voceiro dos gobernos locais, xa que o seu obxectivo é “ser a voz unida e representación mundial dos gobernos locais autónomos e democráticos, promovendo os seus valores, obxectivos e intereses, a través da cooperación entre os gobernos locais”.