Desde hoxe pódese visitar no Centro de convivencia de Fingoi a exposición "Imaxes en Lunfardo" da fotógrafa Giovana Pereira
# Luns, 21/05/2012
A mostra forma parte das actividades programadas dentro dos V Encontros das Culturas
Este luns ponse en marcha a primeira das actividades programadas con motivo da celebración dos V Encontros das Culturas, que organiza a Concellería de Servizos Sociais.
No Centro de convivencia de Fingoi quedou aberta hoxe a exposición “Imaxes en Lunfardo” da fotógrafa Giovana Pereira. Nela amósanse fotografías de cidades da Arxentina e o Uruguai ademais de carteis explicativos do significado dalgunhas palabras desta xerga que se fala no Río da Plata e que é produto da inmigración.
A mostra, na que colabora a Asociación de Rioplatenses de Lugo, poderase visitar ata o día 31 de maio.
O V Encontro das Culturas vaise celebrar os días 24,25 e 24 de maio.
Compartir: