Cargando....
Concello de Lugo
28/03/24
NOVAS
Escoita esta páxina

López Orozco presentou o vídeo promocional do Arde Lucus que distribuirá o Grupo Alsa e que chegará a máis de 300.000 viaxeiros


# Martes, 29/05/2012
Todas as persoas que queiran viaxar entre o 20 e o 26 de xuño á Lugo nos autobuses Alsa terán un desconto do 25% nos billetes

Imaxe Asociada

O Alcalde de Lugo, José López Orozco, a Concelleira de Benestar Social, Igualdade e Xuventude, Carmen Basadre, o Xerente do Grupo Alsa, Javier Gonzalez Pérez, e o Delegado Comercial en Galicia, Ramón Piña, presentaron o vídeo promocional que o Grupo Alsa vai distribuír entre todos os autobuses que realizan traxectos a nivel nacional e que se agarda sexan visualizados por máis de 300.000 persoas. A promoción durará 16 días, nos que se farán unhas 10.000 visualizacións por autocar.

O Concello de Lugo e o Grupo Alsa chegaron a un acordo para facer un desconto do 25% a todas as persoas que queiran achegarse a gozar o Arde Lucus, que se celebra os días 22, 23 e 24 de xuño. Ademais, o compromiso base é facer unha promoción da festa por toda España a través dos recorridos que o Grupo Alsa realiza. Neste sentido comprometéronse a emitir un vídeo de 30 segundos sobre o Arde Lucus e o que representa para a cidade no canal de entretemento a bordo dos que dispoñen todos os autobuses.

O Alcalde agradeceulle á empresa a colaboración coa festa e por poñer todo tipo de facilidades xa que se trata dunha acción “que vai favorecer á cidade a través dos descontos e a coa promoción do vídeo por toda a xeografía española”.

Pola súa parte, o Xerente de Alsa, Javier Gonzalez Pérez, deu as grazas por poder participar dunha maneira tan activa no Arde Lucus e informou que aquelas persoas que vaian a viaxar á cidade entre o 20 e o 26 de xuño poden mercar os billetes e xa se lles aplicara un 25% de desconto sobre os mesmos. A idea é que persoas de todo España se acheguen á Lugo proporcionándolles unha rebaixa no viaxe para que nesta época de dificultades todos teñan mellores posibilidades.

www.ardelucus.com

 


Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova