Cargando....
Concello de Lugo
19/11/19
NOVAS
Escoita esta páxina

Sonia Méndez critica os recortes do Goberno de Rajoy e anuncia que o Goberno local renuncia a paga extra de Nadal


# Xoves, 12/07/2012
A Concelleira destacou que a suba do IVE suporá un incremento de case 2 millóns de euros nos pagos que debe realizar o Concello polas obras e servizos

A Concelleira de Economía, Emprendemento e Autónomos, Sonia Méndez, anunciou esta mañá que os membros do Goberno local renuncian á paga extra do Nadal e criticou as reformas levadas a cabo polo Goberno de Mariano Rajoy.

Sonia Méndez manifestou que “dende o Goberno local estamos totalmente en contra das medidas presentadas onte polo presidente do Goberno, Mariano Rajoy, que unha vez máis afecta aos máis débiles e atacan directamente ao funcionariado público que sempre son as vítimas dos recortes”. A responsable da área económica incidiu en que “é unha inxustiza que paguen as malas decisións do Goberno do PP os máis desfavorecidos como son os desempregados, xubilados e autónomos.”

Ademais insistiu en que “estas medidas non van supoñer un aforro para as administracións” e explicou que “Rajoy presumiu de que ía conseguir importantes aforros pero isot non é así e o que vai conseguir é dificultar a realización de pagos”. Así, puxo como exemplo o Concello de Lugo, “para o que esta suba do IVE vai supoñer un desembolso mínimo de 1,5 millóns de euros a maiores do presupostado para realizar o pago de servizos e obras que prestamos aos cidadáns.”

Tamén anunciou que, se estas medidas seguen adiante, os membros do Goberno local “renunciarán a paga extra de Nadal, aínda que o decreto non obrigue a iso, xa que nos adiantamos e solidarizamos coa función pública do Concello de Lugo”.




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova