Cargando....
Concello de Lugo
13/07/20
NOVAS
Escoita esta páxina

Xa está aberto o prazo para inscribirse nos cursos de informática do Telecentro do Castiñeiro para o mes de outubro


# Luns, 17/09/2012


A Concellería de Servizos Xerais e Modernización Administrativa, que dirixe Francisco Fraga, abriu o prazo para inscribirse nos cursos que se celebrarán durante o mes de outubro no Telecentro do Castiñeiro. Para anotarse hai que chamar ao teléfono de atención cidadá 010 do Concello de Lugo.

Neste telecentro estase a realizar unha programación de cursos mensuais ó longo do ano. Durante o mes de outubro haberá cursos de: Informática, Internet Avanzado, Fotografía Dixital, DNI-e e Administración electrónica ou Creación Web.

Como novidade no mes de outubro impartirase o curso Creación Web, no que as persoas asistentes aprenderán a elaborar páxinas web a través de diversas ferramentas e coñecerán a linguaxe de programación.

Desta maneira na Aula Multimedia do Castiñeiro séguese levando a cabo unha programación formativa dirixida a toda a poboación. Os beneficiarios destes cursos son, sobre todo, xente con idades comprendidas entre 45 e 75 anos e persoas desempregadas, que queren ter máis formación á hora de buscar traballo.

As actividades que se levan a cabo no Telecentro do Castiñeiro están a ter moito éxito, posto que na maioría dos cursos complétanse tódalas prazas e algúns teñen persoas en lista de agarda.

Con iniciativas como esta o Concello pretende achegar a tódolos veciños e veciñas de Lugo o uso das novas tecnoloxías, ensinándolles as vantaxes da súa utilización nas súas prácticas diarias e os beneficios que poden proporcionarlles ás súas vidas.

Coñeza a Aula Multimedia do Castiñeiro, o programa dos cursos e as normas de inscrición.

 




Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova