Cargando....
Concello de Lugo
06/12/21
NOVAS
Escoita esta páxina

Ana G. Abelleira anuncia un novo recurso de reposición na Xunta ante unha nova supresión da axuda para servizos sociais


# Venres, 21/12/2012
Na resolución constátase que ao Concello de Lugo recibirá case un 85% menos para servizos como atención no fogar ou centros de día 

Imaxe Asociada
A Concelleira de Servizos Sociais, Ana González Abelleira, anunciou un novo recurso de reposición en contra da resolución pola que se resolve a subvención destinada ao cofinanciamento da prestación de servizos sociais para o ano 2012, e que se reduce en case un 85% con respecto ao ano 2010.

O ano pasado a Xunta xa reducira nun 74% da contía das subvencións que concede para o programa de axuda no fogar e dos centros de día, concretamente, para as persoas que acceden por libre concorrencia. Segundo indicou González Abelleira, “para este ano 2012 concedéronnos unha axuda de 72.000 e agora sen ningún motivo avísannos de que van ser 66.500 euros,o que significa un 85% menos que hai dous anos”. Ademais asegurou que “ata o momento podemos asumir estes servizos pero chegará un momento, como siga así a Xunta, no que non sexamos capaces de facer fronte a todas as funcións que ela deixa de prestar e que son a súa obriga, e os veciños teñan que quedar ser atencións mínimas”.

A Concelleira de Servizos Sociais insistiu en que estas medidas ocasionarán “un maior recargo para o Concello xa que ten que facer todos os esforzos, nunha materia que non é competencia súa, se non queremos que os nosos maiores, discapacitados ou persoas que requiran deste programa se atopen desamparadas e sen medios para ter unha vida axeitada tanto no seu fogar como nos centros de día”.

González Abelleira tamén fixo referencia á eliminación do servizos de teleasistencia, que no caso do Concello de Lugo, afectaría a unhas 350 persoas especialmente da zona rural, e asegurou que “a Xunta volveu a enganar a todos os cidadáns porque antes das eleccións anunciou unha ampliación da teleasistencia cun novo formato e agora deciden retirar todo, polo que serán as Deputacións e os Concellos os que se fagan cargo do servizo”. Neste sentido, manifestou o seu malestar ante a actitude que ten a Xunta e o Goberno coas persoas máis desfavorecidas como poden ser os nosos maiores ou discapacitados. 
Escoitar audio:


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova