O Alcalde de Lugo recibe aos xogadores do Azkar Lugo despois de gañar a Copa de Galicia
# Mércores, 03/04/2013
Trátase da quinta copa para o equipo lucenses que consolida así o seu dominio dentro das categorías de futbol sala
O Alcalde de Lugo, José López Orozco, e o Concelleiro de Deportes, Jose Manuel Díaz Grandío, recibiron a visita do equipo de fútbol sala Azkar Lugo F.S. que ven de gañar a Copa Xunta de Galicia.
Desta maneira, o Azkar Lugo corouse como campión galego ao gañar na localidade de Sarria a XXII Copa Xunta de Galicia tras derrotar ao Santiago Futsal, o pasado xoves 28 de marzo.
López Orozco agradeceu ao equipo “que nos faga desfrutar desta maneira e que leven o nome de Lugo por toda Galicia“ e sinalou que “é toda unha honra para a cidade ter un equipo de élite que despois de tanto esforzo vai conseguindo o que realmente se merece que é estar entre os primeiros”.
Pola súa banda, o Presidente do Azkar Lugo F.S., Manuel Vázquez, agradeceu a colaboración de todas as institucións especialmente “ao Concello de Lugo porque sempre está nos bos e nos malos momentos e por iso quixemos compartir este trofeo”.
Compartir: