López Orozco e Carmen Basadre visitaron aos alumnos do curso de pastelería do programa +XTI Formación

# Mércores, 15/05/2013
O Alcalde de Lugo, José López Orozco, e a Concelleira de Cultura, Turismo, Xuventude e Promoción da Lingua, Carmen Basadre, visitaron esta tarde aos alumnos que están realizando o curso de pastelería organizado dentro do programa Formación +XTI.

Estas actividades pretenden favorecer a ocupación e incorporación laboral dos mozos e mozas de entre 16 e 30 anos a través de formacións demandadas e que conten un interese e atractivo para a mocidade. Esta actividade que conta cun total de 170 horas, 80 teóricas e 90 prácticas que se realizan nas instalacións do IES Sanxillao.

O Concello de Lugo decidiu repetir nunha segunda edición con estes cursos xa que na primeira edición varios dos alumnos lograron un posto de traballo nos lugares onde fixeron as prácticas.

Coñeza o programa de Formación +XTi en www.lugo.es/prevenciondrogas


Compartir: