Imprimir
UNHA DELEGACIÓN DE PROFESORES TUNECINOS VISITARON HOXE O CEI-NODUS
7/6/2013 Reuníronse co Alcalde e a Concelleira de Economía e Emprendemento
O Alcalde, José López Orozco, e a Concelleira de Economía, Emprendemento e Autónomos, Sonia Méndez, reuníronse hoxe cun grupo de profesores universitarios de Túñez que visitan Galicia durante esta semana para recabar información sobre fórmulas para apoiar a inserción laboral de recén titulados do seu país.
A visita foi organizada pola Aula de Produtos Lácteos, xa que a Universidade de Santiago forma parte do Proxecto Tempus da Unión Europea, dentro do cal se promoveu a viaxe a Galicia desta representación tunecina que hoxe estivo no Centro de Empresas e Innovación do Concello de Lugo.
O Alcalde e a Concelleira de Economía explicáronlles o funcionamento do CEI-Nodus e do seu Viveiro de empresas, así como o asesoramento que se presta ós emprendedores e os canles de colaboración existentes con outros Viveiros de empresa e coa USC.
Logo da reunión, a delegación de profesores de Túnez recorreu as instalacións do CEI e o Espazo>Lab.
Previamente, a representación tunecina que chegou a Lugo o martes pola tarde, visitou a primeira hora de hoxe o Viveiro de empresas da Fundación CEL e rematou a súa estadía na nosa cidade cunha visita a Innolact (spin-off da Aula de Produtos Lácteos).