A Concellería de Deportes, que dirixe José Manuel Díaz Grandío, informa da celebración esta fin de semana do V Torneo Arde Lvcvs de Hockey a patíns en liña, que se enmarca na programación deportiva do Arde Lvcvs e no que colaboran o Concello e o Club Patíns Lóstregos Lucus.

No Torneo participarán oito equipos formados por xogadores e xogadoras chegados de distintos puntos de España como Vitoria, Bilbao, Valladolid, Madrid, Barcelona, A Guarda e Vigo. Concretamente, os equipos que participarán no Torneo son o CD Sumendi, HDP Luxor Time, Vrsvs Carinosvum, Alcorcón, Trivnviratus, Iuven Lostregum, Cabvxos e H.L. Lvgo-Lóstregos.

A competición terá lugar o sábado, día 15, e o domingo, día 16, no Pavillón Municipal da Piringalla Daniel Cordido Castro.