Cargando....
Concello de Lugo
28/05/20
NOVAS
Escoita esta páxina

Esta mañá entregáronse os premios do certame do Ars Magirica, do I Certame de Latín e do concurso de caracterizacións das redes sociais


# Xoves, 13/06/2013
A Concelleira de Cultura tamén avanzou que o venres 14 e sábado 15 de xuño os museos municipais e o Centro de Interpretación da Muralla ampliarán o seu horario ata as 21.00 horas

Imaxe Asociada
 O Alcalde de Lugo, José López Orozco, e a Concelleira de Cultura, Turismo, Xuventude e Promoción da Lingua, Carmen Basadre, fixeron entrega dos premios de diferentes convocatorias todas elas relacionadas co Arde Lucus. No acto tamén estivo o vicepresidente da Asociación Provincial de Empresarios de Hostelería, Jacobo García-Bobadilla.

Así, entregaron os galardóns á mellor tapa e ao mellor menú dos establecementos participantes no Ars Magirica que recaeron na tapa Delicias de Centurión do local A tu salud e no menú Menú Pretorium en Restaurante Casa Paco. Entre os participantes nas votacións para escoller menú e tapa saiu gañador Luis Otero Fugarolas, que tamén recolleu o premio do sorteo.

A Festa do Arde Lucus foi o marco no que xurdiu a creación do I Certame SEC LVDVS LITTERARVM LVCVS CVLTVRAL no que se premiaba o mellor traballo escrito en latín e que falase da cidade de Lugo. Había dúas categorías, unha de 14 a 17 anos na que gañou Carmen García Seara, e na categoría de 18 a 28 anos foi Francisco Miguel Millán Rodriguez, en ambos casos o premio é de 300 euros.

López Orozco e Basadre tamén fixeron entraga dos premios aos gañadores do concurso de caracterización convocado a través das redes sociais do Arde Lucus, e no que os participantes tiñan que participar cunha foto deles pero coas vestimentas de castrexo ou romano. Os gañadores foron na categoría de romanos:

1º premio: Tania Barreiro García
2º premio: Daniel Revuelta
3º premio: Mª Pilar Rey 

E na categoría de castrexos:

1º premio: David Rodríguez Peña
2º premio: Elena González  Bastos
3º premio: Juan José  Fernández Pacio

Neste caso, os primeiro clasificados levarán unha fíbula, duas entradas para o Circo Romano, e 2 vales de comida nos restaurantes instalados na rúa. O segundo premio terán unha xarra e dous vales de comida, e o terceiro 2 entradas para o Circo Romano.

Horarios museos sábado Arde Lucus

Dende a Concellería de Cultura, Turismo, Xuventude e Promoción da Lingua, tamén se anunciou que con motivo das festas do Arde Lucus, os museos municipais e o Centro de Interpretaicón da Muralla amplían o seu horario ata as 21:00 horas tanto o venres 14 como o sábado 15 de xuño.



Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova