Cargando....
Concello de Lugo
14/10/19
NOVAS
Escoita esta páxina

O Concello de Lugo acondiciona un novo espazo para local social no barrio da Residencia


# Martes, 25/06/2013
Desta maneira, os máis de 50 usuarios diarios poderán desfrutar dunhas instalacións modernas e que supoñen un aforro para o Concello que pagaba un aluguer polo anterior local

Imaxe Asociada
  • Imaxe Asociada
  • Imaxe Asociada
  • Imaxe Asociada
  • Imaxe Asociada
  • Imaxe Asociada
O Alcalde de Lugo, José López Orozco, e a Concelleira de Benestar Social e Igualdade, Ana González Abelleira, visitaron esta mañá as novas instalacións do Centro Social logo de adaptar os locais situados na parte baixa da casa domótica da rúa Manuel Leiras Pulpeiro.

O Alcalde sinalou a importancia deste novo espazo xa que “nos permite trasladar aos usuarios do antigo centro polo que ademais se pagaba un aluguer para este novo espazo que é propiedade do Concello, co cal se permite un aforro importante”. Tamén sinalou que “o que queremos é que os usuarios desfruten o máximo e poidan ter un entretemento e estar acompañados”. 

As obras que se levaron a cabo afectaron á pranta baixa e ao entrechan do edificio que se habilitaron para que os usuarios dispoñan de diferentes zonas de esparcemento ao contar con mesas para poder ler, xogar as cartas ou realizar calquera actividade, e cun espazo de sofás para estar máis cómodos. Na parte da entrada, instalouse un local de recepción e almacen, tamén se crearon aseos normais e adaptados, e unha escaleira metálica de acceso ao entrechán con pasamáns e barandillas de aceiro, ademais da adecuación dos espazos para un uso normal. Tamén se abriu unha nova saída pola parte traseira para unha maior seguridade. O presuposto da obra foi de 59.259 euros.


Compartir:
Facebook Del.icio.us My Yahoo Technorati Meneame Wikio
RSS                                      Plan Avanza,Abre fiestra nova Instituto de Crédito Oficial,Abre fiestra nova